Warra Suuraa namaatin nama gowwoomsaa jiru irraa of eegaa

Duraan dursee nagaan koo kan oromummaa bakka jirtan maratti qilleensa irraan isin haa qaqqabu kabajamtoota jaallatamtoota sabboontota ilmaan oromoo hunda keessan akkam jirtu ergan jedhee nagaa koo isinitti dhaammadhee booddee waantin jechuu barbaadu akka asiin gaditti argamu ta'a.

Sunis namootni baayyeen maqaa namaa fii suuraa namaatin yakka adda addaa hojjachaa kan jiran yommuu ta'u namni maqaan isaa Abbaabiyyaa Abbaagadaa jedhamu suuraalee kiilolee birraa fii suuraa jaal Hiwoti margaa profile picture isaa godhachuudhaan yakka adda addaa hojjachaa jiraachuun isaa itti qaqqabamee jira.Abbaabiyyaa abbaagdaa kan jedhamu kun basaasa wayyaanee fii hojjataa radiyoo faanaa ta'uun isaa itti qaqqabamee waan jiruuf odeeffannoo dambalii warraaksaa kan biyya keessa maadhefate irraa odeeffannoo qulqullaawaa ta'e argannee jirra.

Jaal kiilolee birraa fakkaatee sabboontota oromoo irraa odeeffannoolee addaa addaa guurrachuuf kan xiyyeeffatee hojjachuu barbaadu akkasumatti kiiloleen biyya keessatti sabboontota oromoo baay'ee wajjin hariroo cimoo waan qabuuf akkasumatti jaal hiwot margaas bifuma kanaan hojiin isaanii hojii bilisummaa sabaa irratti cichaan kan hojjatan yommuu ta'u sabboontota oromoo kana suuraa jaallewwan kanaatin gowwoomsee odeeffannoo irraa guurratee ilmaan oromoo irratti shira hojjachuuf itti yaadee kan hojjachaa jiru ta'uus sabboontotni oromoo warri dambalii warraaksaa wajjin hariiroo qaban odeeffannoo kana battalumatti otuu inni hin beekin akka hirmaattotni kun isa wajjin yaada tokkollee wal hin dabarfanne gochuu irratti gahee guddaa akka hojjatan gabaafamee jira.